Zuho Namozi- Fazilatlar koni!

Zuho namozi – tong va peshin namozlari oralig‘ida, ya’ni quyosh to‘la chiqqanidan keyin va peshin vaqti yaqinlashgunga qadar o‘qiladigan nafl namozdir. Bu namoz o‘qish sunnat amallar qatoriga kiradi va unda ko‘p baraka, savob borligi rivoyat qilinadi.

Uning fazilatlaridan 1-Gunohlarning kechirilishidir.  Hadislarda aytilishicha, Rasululloh sollallohu alayhi vasallam aytganlar: «Kim ikki rakaat Zuho namozini o‘qisa, uning barcha gunohlari kechiriladi, hatto dengiz ko‘piklari kabi bo‘lsa ham» (Imom Muslim rivoyati). Bu hadisda Zuho namozining gunohlarning yuvilishiga sabab bo‘lishi ta’kidlanadi.

2- Moliyaviy baraka: Zuho namozini muntazam o‘qish inson rizqida baraka keltirishiga ishoniladi. Abu Hurayra roziyallohu anhudan rivoyat qilingan hadisda Rasululloh sollallohu alayhi vasallam shunday deganlar: «Kim Zuho namozini muntazam o‘qib tursa, Alloh uning moliyaviy ehtiyojlarini qondiradi» (Imom Abu Dovud rivoyati).

3. Savobning davomiyligi: Zuho namozi inson uchun har kun savob olib keluvchi amal sifatida ta’riflanadi. Kunni Alloh zikri bilan boshlash va Unga yaqinlashish musulmonning kunini ma’naviy jihatdan boyitadi.

Zuho namozi kamida 2 rakaat, ko‘pi bilan esa 8 yoki 12 rakaatgacha o‘qilishi mumkin. Namoz vaqti esa quyosh chiqqandan taxminan 20 daqiqa keyin boshlanib, peshin vaqti kirgunga qadar davom etadi. Shu vaqt oralig‘ida o‘qilgan har bir rakaat katta savoblarga sabab bo‘ladi.

Zuho namozini muntazam o‘qish, kunda ruhiy sokinlik va rizq barakasiga erishish uchun juda foydalidir.

Manbalar asosida bilim yurti mudarrisi

Muslimjon Yo’lchiboev tayyorladi.