БУЮК ОРЗУ…

0
180

Саҳобалар мажлисига эриша олсам,

Бориб улар билан кўриша олсам,

Ишқнинг карвонига қориша олсам,

Йўлда қолдирмаслар олишар мени.

 

Ошиқларнинг сўлмас тоза гуллари.

Зикр-у тавҳид этар доим тиллари.

Росулуллоҳнинг пок, порлоқ йўллари,

Йўлга кира олсам, олишар мени.

 

Ошиқ бўлган кутар қалб табибини

Қон ютар ҳасратда ул Ҳабибини…

Ўтди севиб Ҳабибим умматларини,

Уммат бўла олсам, олишар мени.

 

Умматлик шарти – бу ўтли ишқ бари,

Сабр билан ўтар ҳасрат кунлари,

Оҳ чекиб йиғларлар ҳатто тунлари,

Бунга рози бўлсам, олишар мени.

 

Ишққа етганларнинг мукофотлари,

Росулуллоҳ билан тунда тушлари,

Кўрмоқ учун оқди кўздан ёшлари.

Кўз ёш тўка олсам, олишар мени,

 

Росулим ишқида белим боғласам,

Саловат айтмоққа қалбим чоғласам,

Порлоқ йўлларига йўлим боғласам,

Йўлда қолдирмаслар, олишар мени…

 

 

Нурулло Фозилжонов,

“Саййид Муҳйиддин махдум”

ўрта махсус ислом билим юрти

4-босқич 72-гуруҳ талабаси

  • Одамларга “не”лар бўлмоқда

    Дунё қизиқ кўряпмиз секин, Кимдир сўзим оғир олмоқда. Кимларгадир тамошо текин, Одамларга …
  • RASULIM…

    Rasulim, keling bir tavallo aylab, Ko’ngillar gunohga botib bo’ldi-ku. Bersang…
  • MADRASAM

    О’tmoqdadir haftalar, kunlar, O’z holimga o’zim achindim. G’aflat uzra o’tmoqd…
Load More In АДАБИЁТ