#Илмий_тадқиқот #Тафсир У Кунда одамлар тўзғитиб юборилган капалак (парвона)лар каби бўлиб қолурлар!

Чигиртка ва капалакнинг ўртасидаги фарқ нимада?

Чигиртка белгиланган тартиб ва қатъий интизом асосида ҳаракатланади ва қаерга кетаётганини билади. Капалак эса, бетартиб шаклда учиб юради. Қиёмат қоим бўлганида одамларнинг ҳолати худди капалакка ўхшайди.
Аллоҳ таоло бу ҳақда: «У Кунда одамлар тўзғитиб юборилган капалак (парвона)лар каби бўлиб қолурлар! (Яъни, қабрларидан чиқишиб, Қиёмат даҳшатидан ўзларини ҳар ёнга уриб-тўзиб кетадилар)», деган.  (ал-Қориъа сураси, 4-оят).

Аммо, баъс – яъни, ўлгандан кейин қайта тирилиш  кунида эса одамлар маҳшар майдони томон тартиб билан борадилар.
«(Қиёматдаги бўладиган даҳшатли ҳисоб-китобга) чорлайдиган Кунда улар (кофирлар) кўзлари (қўрқувдан) қуйига боққан ҳолларида гўё ёйилган чигирткалар каби, қабрларидан чиқиб келурлар!» (Қамар сураси, 7-оят).

Билим юрти мударриси Абдулхамид домла Алиев