Ko‘zimizni haromdan saqlaylik, qalbimiz pok bo’ladi!

Islom ko‘z nurini gunohlardan saqlash va yaxshi maqsadlarda foydalanishga chaqiradi. Ko‘z – Allohning buyuk ne’matlaridan biri, u orqali inson atrofidagi go‘zalliklarni, ilohiy hikmatlarni ko‘radi. Qur’onda Alloh taolo bandalarga ko‘zlarini yomon ishlardan tiyishni buyuradi:

«Mo‘minlarga ayting: Ko‘zlarini yomon qarashlardan to‘sib, avratlarini saqlasinlar. Bu ular uchun yanada pokroqdir.» (Nur surasi, 30-oyat)

Bir rivoyatda aytilishicha, Hasan Basriy rahmatullohi alayhga ko‘z nurlarini pok saqlash haqida so‘rashganida, u: «Ko‘zlaringizni Allohning ne’matlarini ko‘rishga va yaxshilik uchun qarating. Yomonlikdan saqlangan ko‘z ruhni poklaydi va qalbni yengillatadi,» degan ekan.

Ko‘z nurlarini yaxshilikka sarflash nafaqat qalbni poklaydi, balki insonni gunohlardan uzoqlashtiradi va ruhiy osoyishtalik bag‘ishlaydi. Shu sababli, ko‘zimizni faqat ezgulik va pok niyatlarda ishlatish har bir mo‘min uchun muhim vazifa sanaladi.

Manbalar asosida bilim yurti mudarrisi

Muslimjon Yo’lchiboev tayyorladi