RAMAZONDAGI ULKAN AJR

RAMAZONDAGI ULKAN AJR
Ro‘zadorga iftorlik qilib berish xayrli amallar sirasiga kiradi. Bu haqida
hadisi shariflarda shunday deyilgan:
Zayd ibn Xolid Juhaniy roziyallohu anhudan rivoyat qilinadi:
«Rasululloh sollallohu alayhi vasallam: «Kim ro’zadorga iftorlik
qilib bersa, unga ham ro’zadorning ajridan biror narsa
kamaytirilmagan xolda, uning ajri mislicha beriladi», dedilar. (Imom
Termiziy rivoyati)
Salmon Forsiy roziyallohu anhudan rivoyat qilinadi:
«Rasululloh sollallohu alayhi vasallam sha’bon oyining oxirgi kuni
bizga xutba qilib: «Ey insonlar ulug‘ oy, muborak oy, ming oydan
yaxshi kechasi bor oy sizlarga yaqin kelib turibdi. Alloh uning ro’zasini
farz, tungi bedorligini nafl qildi. Kim bu oyda yaxshi amal bilan qurbat
xosil qilsa, boshqa (oy)da bir farzni ado qilgan kabi bo‘ladi. Kim unda
bir farzni ado qilsa, boshqa (oy)da yetmishta farzni ado qilgan kabi
bo‘ladi. U sabr oyidir. Sabrning ajri jannatdir. U ko‘ngil surash va
mo‘minning rizqi ziyoda qilinadigan oydir. Kim unda biror ro‘zadorga
iftorlik qilib bersa, gunohlari mag‘firat bo‘lib, do‘zaxdan gardani ozod
qilinadi. Ro‘zadorning ajridan biror narsa kamaytirilmay, shu ajr
mislicha unga (iftorlik qilib beruvchiga) bo‘ladi». Ular: «Ey, Allohning
rasuli! Xammamiz ham ro‘zadorni iftorlantiradigan narsa topa
olmaydi», dedilar. Shunda Rasululloh sollallohu alayhi vasallam:
«Alloh ushbu savobni suv qo‘shilgan sut yoki xurmo yoki bir qultum
suv bilan ro‘zadorni iftorlantirgan kishiga ham beradi. Kim ro‘zadorni

to‘ydirsa, Alloh uni mening havzimdan bir qultum suv bilan sug‘oradi
va u jannatga kirguncha chanqamaydi. U avvali raxmat, o‘rtasi
mag‘firat, oxiri do‘zaxdan ozod qilish oyidir. Kim u oyda quli (qo’l ostidagilari)ning ishlarini yengillatsa, Alloh uni magfirat qiladi va
do‘zaxdan ozod qiladi», dedilar». (Bayxaqiy rivoyati)
Demak, mana shunday muborak ramazon kunlarida, qo’ni-qo’shni,
yo’qsinlar va beva-bechoralar holidan xabar olib ularga iftorlik taomini
ulashish, ulkan ajrlarli amallardan hisoblanadi.
Manbalar asosida Bilim yurti mudarrisi:
Nodirbek domla Jamolov tayyorladi.