РАСУЛУЛЛОҲ СОЛЛАЛЛОҲУ АЛАЙҲИ ВАСАЛЛАМДАН ҚОЛГАН СУННАТ

Ҳар бир мусулмон оламларга раҳмат қилиб юборилган зот Пайғамбаримиз алайҳис саломни чин юракдан севади, у зот суннатларини ўрганиб, унга эргашишга интилади. Мана шундай суннатлардан бири билан танишсак:

عن أبي هريرة يصف رسول الله : كان ربعة ، وهو إلى الطول أقرب . شديد البياض ، أسود شعر اللحية ، حسن الثغر ، أهدب أشفار العينين ، بعيد ما بين المنكبين ، مفاض الخدين ، يطأ بقدمه جميعا . ليس لها أخمص قبل جميعا ويدبر جميعا . لم أر مثله قبل و بعد .

Абу Ҳурайра розиаллоҳу Пайғамбаримиз соллалоҳу алайҳи ва салламни сифатлаб шундай дедилар:

“ Ул Зот ўрта бўйли, новчаликка яқинроқ, баданлари оппоқ, соқоллари қора, олд тишлари чиройли, киприклари узун, елкалари кенг, юзлари текис эдилар. Юрганда оёқларини ерга маҳкам босиб юрар эдилар. Бутун гавдалари билан келар, бурилар эдилар. Мен у зотга ўхшашини аввал ҳам кейин ҳам кўрмадим”.

Биз ёшларни бу ҳадиси шарифдан ўргишимиз мумкин бўлган одоблардан бири, бировга юзланмоқчи бўлсак фақатгина бошимиз билан эмас, балки бутун гавдамиз билан бурилишимиз керак экан. Шунда ҳам суннатга эргашган ҳам юзланмоқчи бўлган одамимизга ҳурмат кўрсатган бўламиз.

Ойбек СОТТОРОВ

“Саййид Муҳйиддин махдум”

ўрта махсус ислом билим юрти

мударриси