ROZILIK

Bir kishi Ka’bani tavof qilish asnosida, Allohga munojat qilib shunday der edi:
– Ey Robbim! Sen mendan rozimisan?

Uning so’zlarini imom Shofe’ eshitib, so’radi:
– Ey falonchi, sen o’zing Allohdan rozimisanki, Alloh sendan rozi bo’lsin?

U kishi:
– Subhanalloh! Men Allohdan rozi bo’lamanmi? axir umidim Robbim mendan rozi bo’lishi-ku.

Imom Shofe’:
– Musibat-sinov kelgandagi roziliging, ne’mat kelgandagi xursandchiliging kabi bo’lsa, demak, sen Allohdan rozisan, Robbing ham sendan rozi bo’ladi, – dedi.

Muhammad Rotib Nobulsiy

Andijon «Sayyid Muhyiddin maxdum»
o’rta maxsus islom bilim yurti
mudarrisi: Nodirbek domla Jamolov tarjimasi